انڈر 18 ہاکی ایشیا کپ کے سیمی فائنل میں بھارت نے پاکستان کو ہرا دیا

ایشین ہاکی فیڈریشن کے زیر اہتمام انڈر 18 ایشیا کپ 2026 جو کہ 29 مئی سے 6 جون تک جاپان کے شہر کاکامیگاہارا میں کھیلا جارہا ہے۔ ایونٹ کے اعصاب شکن سیمی فائنل میچ میں بھارت نے پاکستان کو 3-5 سے ہرادیا۔

کھیل کے آغاز میں بھارت کو پینلٹی اسٹروک کے نتیجے میں ایک گول کی برتری حاصل رہی۔ بھارت کا پہلا گول ٹانی اشیش نے کیا۔ جس کے بعد پاکستان کے عدیل نے گول کرکے حساب چکتا کردیا۔ اسکے بعد بھارت کے شاہ رخ نے 35 ویں منٹ میں گول سکور کرکے بھارت کو 1-2 سے برتری دلائی۔37ویں منٹ میں پاکستان کے محمد فرحان نے گول سکور کرکے 2-2 سے میچ برابر کردیا ۔42 ویں منٹ میں پاکستان کو عزیر احمد کی جانب سے گول کرکے پاکستان کو دو کے مقابلے تین گول سے برتری دلادی۔

جس کے بعد بھارت کے ٹانی اشیش نے یکے بعد دیگرے تین گول سکور کرکے بھارت کو تین کے مقابلے میں پانچ گول سے برتری دلاکر فائنل کیلئے کوالیفائی کرایا ۔